對上一次打文已經係差唔多一年之前既事，轉左新學校都一段時間，由以前幫高form溫書去到教低form除左對住班高大既小學生之外(能力都同小學生差唔多，或者係更加恐怖)、以前就係度打文先用中文term，但一用中文教落先發現比想像中困難d(永遠都係要將諗到要講既英文term轉返做中文)。最大感受係就咁教完書d學生好似冇乜問題，但一到測試考試就好懷疑自己成個學期到底做過乜野黎。可能呢個都係報應黎，以前都係靠自己學野唔點聽書，去到教個下就現眼報(最弊係D學生係連自學個步都skip埋)。唯有希望捱埋呢兩個月之後又可以做返個好漢啦。

教書外評實習STEM已經佔據左半年幾既時間，雖然好戲在後頭，不過都想趁呢段時間好好整理返自己教過/準備過既野。斷斷續續接觸左化學科學生幾年，面對最大既問題主要係基礎唔夠穩陣，因而轉得唔夠快而理解唔到之後再進階既內容，呢個惡性循環通常由中四開始，直至DSE(或者再早D，因為已經放棄左呢科)。所以之後出文都想由最基礎講起，希望有心學好Chem既同學可以有多D得著。黎緊幾日都會些牙下d心得畀DSE同學，希望你地最後呢幾日可以安心上路